BOOGSKIET

Kwartaal 3

Laerskool Elspark bied NASP (“National Archery in the Schools Program”) boogskiet aan. Die program is vir leerlinge vanaf Gr. 4 – 12. Wanneer die leerlinge in Gr. 7 by ons klaar maak, kan hulle steeds aangaan met die boogskiet by die hoërskole in die omgewing. Laerskool Elspark is die enigste departementele laerskool in Gauteng wat die boogskiet aanbied. Dit is ʼn vinnig groeiende sport. Daar word erkende nasionale en provinsiale kleure aan skutte toegeken wat daarvoor kwalifiseer. Boogskiet maak ʼn groot verskil in enige kind se lewe. In die sport kompeteer jy teen jouself en met elke nuwe persoonlike beste groei ʼn kind se selfbeeld en selfvertroue. Boogskiet word die beste beoefen in ʼn positiewe omgewing so alle instrukteurs is opgelei om u kind op te bou en positief te hou! Ons leuse is: “Ons bepaal die mikpunt!”